Un curso máis damos comezo ás nosas merendas saudables dando continuidade a unha actividade que forma parte do Plan de Vida Activa e Hábitos Saudables do centro. Con este proxecto buscamos fomentar hábitos de alimentación saudable no momento das merendas da mañá ademáis de reducir a xeración de envoltorios plásticos e envases optando por alimentos máis naturais e evitando a opción de alimentos procesados.
Este curso, desde a área de EF, unímonos ó proxecto impulsado polo Equipo de Biblioteca que terá como eixo a Infancia falando de todo o que rodea a esta etapa das nosas vidas e como se recolle na literatura infantil atual e clásica.
En que consiste Merenda Aventuras?
A partir do luns 5 de outubro comezamos o noso calendario de merendas saudables que será o seguinte:
Pódese acompañar "a merenda que toque" con outras opcións saudables. Por exemplo, se o luns queredes engadir algo máis cos lácteos podedes incluir tamén paiños de pan, bolachas tipo "mariñeiras", froita, froitos secos (precaución coas alerxias no seu grupo)... é dicir calquera opción que sexa saudable. Recordade, ademais, que a froita é "comodín" e pode traerse calquera día.
Cada día, antes de saír ó recreo, o titor/a ou os propios nenos/as comproban se a maioría do grupo cumpre coa merenda saudable (permítense entre 4 e 6 fallos en función do número de alumnos/as da clase). Se é así marcan un tic no día correspondenete e, se ó final da semana consiguen 3 ou máis tics, avanzan no seu mapa para descubrir diversas sorpresas e ademais gañar cromos e recompensas colectivas para o grupo: 15 minutos máis de recreo, día libre de EF, día libre na biblio...
Deixámosovos unha pequena presentación do material que empregaremos nas merendas deste curso para que vos fagades unha idea máis clara do funcionamento da actividade.
Merenda Aventuras blogEF
