Moitas grazas, familias!

 O pasado 17 de novembro celebramos a nosa quinta edición da carreira Kilómetros de Solidariedade promovida pola ONG Save the Children e que coma na edición anterior pretende recadar fondos para aportar ó Fondo de Emerxencia Internacional usado para axudar a nenos/as e as súas familias es situacións críticas por diversos motivos como poidan ser conflitos bélicos nos seus países de orixe.

Tivemos moita sorte coa climatoloxía e desfrutamos dunha mañá soleada que fixo que a celebración da carreira puidese transcurrir sen apenas imprevistos. Ademais, moitas familas estivechedes presentes para animar aos rapaces e rapazas durante as súas quendas de carreira facendo que o ambiente da actividade fose inmellorable.

Pero a cousa non quedou aí xa que, un ano máis, o compromiso dos patrocinadores foi espectacular como así reflexa a cantidade que entre todos e todas recadamos e que xa fixemos chegar a "Save the Children". Por todo isto, pola vosa implicación e colaboración na actividade só podemos dicir "Moitísimas grazas!".

Deixamos a continuación unha pequena montaxe con algunhas imaxes da Carreira e tamén un enlace ao documento PDF co recibí que nos enviou a ONG "Save the Children" no que se reflexa o ingreso da recadación realizado polo colexio a semana pasada. 

Recibí enviado pola ONG Save the Children

Carreira Solidaria 2324

Coñecemos a esgrima

 Durante a semana do 2 ó 6 de outubro visitounos o Club de Esgrima Centolos da Coruña para que puidésemos coñecer máis de preto este deporte. En concreto Javi, esgrimista e mestre doclub, impartiu dúas sesións a todos os cursos de Primaria na que os vosos fillos/as puideron aprender os movementos e xestos básicos da esgrima mentres se divertían realizando todo tipo de xogos e tarefas. Esta actividade está enmarcada dentro do programa "Coñece o meu club" que forma parte do noso Plan de Vida Activa e deportiva e que co que pretendemos fomentar a práctica de actividade física dentro do tempo de lecer dos vosos cativos e cativas fóra do horario lectivo. Aquí vos deixamos algunhas imaxes destes días. 

Esgrima 2324

Aprendendo a salvar vidas

Por segundo curso consecutivo, desde a área de EF, realizamos no centro un obradoiro de Primeiros Auxilios e actuación ante emerxencias para o alumnado de Primaria. Neste obradoiro traballamos contidos relacionados coa composición do botiquín de primeiros auxilios e o seu uso ante accidentes leves, a actuación ante emerxencias e como avisar ó servizo de emerxencias (112) e, no caso dos maiores de 4º a 6º, aprendizaxe e práctica da maniobra de RCP grazas ós maniquís emprestados un curso máis polo proxecto ANXOS (adestrando a nenos e xóvenes en salvar vidas)  Foi una experiencia sen dúbida moi enriquecedora e que intentaremos que teña continuidade en vindeiros cursos. Deixamos algunha imaxe da actividade.

Primeiros Auxilios 23

V Carreira "Kilómetros de Solidariedade"

  O próximo venres 17 de novembro para conmemorar o Día Mundial dos Dereitos da Infancia celebraremos a nosa quinta edición da Carreira Solidaria "Kilómetros de Solidariedade" organizada pola ONG "Save the Children". A carreira terá lugar nun percorrido que delimitaremos, no Parque de Eirís. 

Nesta edición, coma na do curso pasado, os fondos recadados polos colexios participantes de toda España irán destinados a un fondo de emerxencia que se usa en distintos tipos de situacións e especialmente no caso de conflitos bélicos. Neste enlace tedes toda a información sobre como se usan os fondos recadados nesta actividade.

https://www.savethechildren.es/actualidad/preguntas-frecuentes-para-las-familias-coles

Explicamos detalladamente a continuación o funcionamento da carreira xa que vos (pais, nais, avós, avoas, tíos, tías...) sodes unha parte importante da mesma.

Como funciona a carreira?

1. Busca de “patrocinadores”.

Ao longo destes días os vosos fillos levarán a casa un carnet de corredor para conseguir “patrocinador” ou “patrocinadores” entre a súa familia ou amigos adultos. O patrocinador escribe o seu nome no carnet e a cantidade que se compromete a aportar por cada volta dada ao percorrido. Una vez cumplimentado o carnet levarase de novo ao cole xa que é necesario para o día da carreira.

2. Celebración da carreira.

O venres 17 de abril ás 11:00 todo o cole desplazarase ao Parque de Eirís e alí celebraremos a carreira a partires das 12 aproximadamente. Só participarán os alumnos/as de Educación Primaria, pero os nenos/as de Educación Infantil estarán presentes para animar e apoiar aos “maiores” e incluso dar unha "volta simbólica" ao percorrido. Estaremos organizados por turnos e en cada turno participará cada unha das clases, correndo ou camiñando en función das posibilidades de cada neno durante 2 minutos aproximadamente.

Deste xeito calculade que o máximo número de voltas que pode dar o voso fillo/a sexa de 2-3 no caso dos máis pequenos ou 4-6 no caso dos maiores. En función disto podedes decidir a pequena cantidade que queredes aportar por cada volta.

Trala carreira os mestres, ou os propios nenos/as, anotaremos as voltas que fixo cada un no seu carnet de corredor e entregarémosllo para que o leven a casa. Tamén recibirán un diploma que acredita a súa participación na carreira.

Se por diversas circunstancias algún neno ou nena non pode conseguir "patrocinadores", non hai ningún tipo de problema xa que pode participar igualmente na carreira con todos os seus compañeiros e compañeiras.

3. Recadación do diñeiro dos “patrocinadores”.

Os nenos/as levarán o carnet a súa casa e solicitarán o diñeiro “pactado” previamente. Así, se por exemplo o avó prometera 0,50 céntimos por volta e a su neta realizou 2 voltas terá que entregar 1 euro. O diñeiro se traerá nun sobre pechado ao colexio. Este ano, ó igual que o curso pasado e por cuestións organizativas, o equipo docente decidiu establecer unha máxima aportación de 1 euro por cada volta. Se algunha familia quixese realizar unha maior aportación pode facelo poñéndose en contacto coa ONG "Save the Children".

MOI IMPORTANTE: POR CUESTIÓNS DE ORGANIZACIÓN O DIÑEIRO SÓ SE PODERÁ TRAER AO COLEXIO ENTRE O 20 E O 23 DE NOVEMBRO (AMBOS INCLUSIVE). ANTES E DESPOIS DESA DATA OS MESTRES NON RECOLLERÁN NINGÚN SOBRE CON DIÑEIRO.

Aquí faremos a recadación e farémola chegar a “Save the Children” que á súa vez enviará un diploma ao centro que o acredite como participante no proxecto “Kilómetros de Solidariedade” e un recibí especificando a recadación sumada polo noso colexio.

    Agradecemos de antemán a vosa colaboración por pequena que poida parecer e recordade que cun pequeno “grao de area” entre todos podemos axudar aos que máis o necesitan.

Merendas Olímpicas

 Un curso máis damos comezo ás nosas merendas saudables dando continuidade a un proxecto que forma parte do noso Plan de Vida Activa e Deportiva e que, desde o curso pasado coa implantación da LOMLOE, tamén forma parte do Plan de Vida Activa e Hábitos Saudables que esta lei educativa introduce en todos os centros públicos. Con este proxecto buscamos fomentar hábitos de alimentación saudable no momento das merendas da mañá ademáis de reducir a xeración de envoltorios plásticos e envases optando por alimentos máis naturais e evitando a opción de alimentos procesados.

Calendario de merendas

O calendario de merendas mantense igual que en cursos anteriores:

Aclarar que os zumes "non contan como froita" e que ésta é "comodín" e pode traerse calquera día. Ademais, podedes acompañar estas opcións con outros alimentos sempre intentando que sexan saudables (paiños de pan, tortas de millo, tortas de arroz, froitos secos con coidado de posibles alerxias...).

Funcionamento das Merendas Olímpicas

Durante este curso, tendo en conta que no centro teremos como eixo temático os Xogos Olímpicos, enfocaremos as merendas dun xeito máis lúdico. Cada día que o grupo cumpra de forma maioritaria (permitimos ata 5 "faltas" de merenda) co calendario de merendas saudables obterá un punto. Cada 10 puntos o grupo terá dereito a un cromo que se corresponde co cartel ou logo dalgúns dos Xogos Olímpicos celebrados ó longo da historia e que pegarán no álbum olímpico da clasepoidendo así coñecer os datos máis curiosos desa edición. 

Ademais cando consigan 6 cromos accederán a unha recompensa colectiva que deberán "negociar" coa súa titora ou titor: algúns minutos máis de recreo, visita á biblioteca ou sala de informática, xogos na aula...

Deixámosovos unha pequena presentación do material que empregaremos nas merendas deste curso: instrucións para o alumnado, calendario de merendas e álbum de aula.

Copia2 de Álbum JJOO

No recreo xogamos todas e todos!

A vindeira semana comezarán os patios dinámicos para Infantil e Primaria dando continuidade ó proxecto de centro comezado xa fai dous cursos. A través deste proxecto, tendo en conta a opinión de mestras e mestres, alumnado e familias, intentamos crear distintas zonas de actividade para atender ós diferentes gustos e intereses dos nenos/as durante os tempos de recreo, de xeito que todas e todos teñan a oportunidade de divertirse e participar deste tempo de lecer. Con esta intención o patio divídese, tanto na primeira quenda (Infantil, 1º e 2º) como na segunda quenda (3º.6º Primaria), en diversas zonas de actividade e lecer.

Neste enlace podedes acceder a unha táboa coa organización dos espazos que se describen con máis detalle a continuación.

Táboa resumo coa organización de espazos nos recreos

Parte inferior (pista)

Nesta zona damos preferencia a xogos máis activos:

Zona 1: 

1ª quenda: patinetes e bicis sen pedais

2º quenda: xogos raqueta e puntería. Nesta zona se disputarán tamén os torneos que se organicen ó longo do curso: datchball, pinfuvote, salto de corda...
Zona 2: 

Tanto na 1ª como na 2ª quenda será zona para o fútbol usando as porterías portátiles. Tendo en conta o espazo reducido organizamos quendas de xogo para cada grupo. O venres é "día sen fútbol".
Zona 3: 

zona con 4 canastras de distintas alturas para xogar a baloncesto.

Zona 4: 

Na 1º quenda haberá xogos simbólicos (cociñas, vehículos...) e construcións e ademais tanto nesta quenda como na 2º colocaremos un altofalante portátil para escoitar música e bailar.

Parte superior do patio

Nesta zona teñen lugar os xogos máis "tranquilos" ou que requiren menos desprazamentos:

Zona5: 

Cercana ás escaleiras de subida será a zona creativa, do horto e xogos populares. Pouco a pouco estamos  acondicionando a zona (a través do pintado especialmente) para favorecer o xogo e desfrute dos vosos fillos/as. Ademais nesta zona pódense empregar materiais como cordas, gomas elásticas, peóns ou zancos.

Zona 6: 

Zona de xogos infantís, bancos e rocódromo.

O alumnado dos cursos superiores será o encargado de xestionar, repartir e recoller o material.

A medida que avance o curso iremos observando e avaliando as necesidades do patio ademais de introducir novas actividades e materiais que poidan ser empregados pola rapazada neste tempo de lecer.

Deixamos a continuación a cartelería que empregaremos no patio para delimitar zonas de xogo e clarificar normas de uso e funcionamento.

Zonas patio 23-24

Benvidas/os ó curso 2023-24

 Comezamos un novo curso e desde a área de EF queremos recordar as normas básicas de funcionamento nas nosas clases que resultan de gran importancia non só por supoñer unha parte importante da calificación do alumnado senón porque do respecto ás mesmas depende que exista un correcto funcionamento das sesións nesta área. Ademais tamén deixamos, de forma permanente, un enlace na columna da dereita do blog coa planificación dos contidos a traballar en EF ó longo do curso nos distintos cursos de Primaria.

Normas EF 2023-24

  

Aprendendo a orientarnos

 O pasado venres 23 de xuño o alumnado de 3º a 6º de Primaria participou nunha carreira de orientación no Parque de Eirís organizada polo Club Orientación Coruña. Nesta actividade o alumnado organizado por parellas tiveron que buscar, axudados dos seus mapas correspondentes as balizas ubicado en distintas zonas do parque. Non foi sinxelo, apretaba o calor e había que estar moi atentos e concentrados para non desorientarse. Porén, con maior ou menor axuda, todos os nenos/as foron capaces de localizar todas as balizas e completar o percorrido. Tamén estieron presentes algunhas nais e pais que colaboraron na actividade e incluso tiveron que ser aconsellados por algún neo/a para localizar correctamente algunha das balizas... Deixamos fotos da xoranada que esperamos que vos gusten.

Copia de Halterofilia 22-23

Bo camiño!

 O pasado luns 29 de maio o alumnado de 5º e 6º de Primaria desprazouse ata Miño para realizar o tramo do Camiño Inglés que une esta localidade con Betanzos. Previamente, no cole, explicaramos as características da etapa e deramos consellos básicos para realizar unha andaiana de certa duración como foi o caso xa que a distancia percorrida acercouse ós 11 quilómetros. A etapa transcurriu sen incidencias importantes e acompañados dunha moi boa climatoloxía. A pesares da calor, o feito de que a maior parte do camiño transcurrise por zona sombreada fixo a andaina moi "levadeira". A metade de camiño fixemos unha parada para a merenda da mañá e, xa en Betanzos, repuxemos forzas comendo para realizar una actividade de "Busca do Tesouro" organizada por Bea, unha monitora do concello, que nos permitiu coñecer máis curiosidades desta centenaria vila. A chegada ó cole produciuse arredor das 18:00 ca rapazada cansada despois do esforzo pero satisfeita de poder converterse por un día en peregríns do Camiño de Santiago,

Deixamos a continuación algunhas fotos que esperamos que vos gusten.

MiñoBetanzos maio23

Coñecendo a capoeira

O luns e martes 5 e 6 de xuño visitou o noso centro Fran, mestre de capoeira do Club Coruña de Ouro. Nunha actividade dirixida a todo o alumnado de Primaria e 6º de Infantil achégamonos a este disciplina a través do coñecemento de diversos instrumentos musicais e da práctica dalgúns dos pasos, xestos e movementos máis característicos desta modalidade. Esta actividade está enmarcada dentro da iniciativa "Coñece o meu club" do noso PVAD (Plan de Vida Activa e Deportiva) e pretende fomentar a práctica de actividade física do noso alumnado fóra do horario lectivo a través do coñecemento de distintas posibilidades para tal fin.

Deixamos algúns vídeos e fotos a continuación. Esperamos que vos gusten.

Capoeira xuño 2023

Resumo da Semana Saudable

 Fai dúas semanas celebramos no cole a nosa Semana Saudable con diversas actividades nas que participamos alumnado, familias e mestres.

- Family Talent: vídeos achegados por familias do cole nas que podemos ver a pais, nais, avóas, irmás... realizando unha gran variade de actividades: bailes, baloncesto, voleibol, ciclismo, danzas tradicionais...

- Retos dos mestres: Os vosos fillos/as trataron de superar durante os recreos da Semana Saudable os retos de escalada, salto de corda, fútbol e baloncesto propostos previamente por algunhas das mestras e mestres do centro.

- Merendas Saudables Artísticas: Fuchedes moitas familias as que participachedes con merendas saudables e orixinais: ratos de uvas e pera, bocadillos con forma de animais, brochetas de froitas...

- Carteis Saudables: O alumnado de 4º a 6º de Primaria elaborou na área de Arts and Crafts ( Plástica) carteis con frases e consellos saudables para decorar as escaleras do cole.

- Día da EF na Rúa: Por segundo ano nos unimos a esta celebración que se realiza a nivel nacional para reivindicar a importancia da EF dentro da educación da rapazada.

Todas estas actividades están resumidas no vídeo que tedes a continuación. Unha vez máis, grazas pola vosa colaboración. Sen ela, estas actividades non serían posibles. Esperamos que vos guste o vídeo.

Os profes rétante... aceptas o desafío?

 Algúns dos mestres do cole propoñémosvos varios retos que podedes intentar superar durante os recreos da nosa Semana Saudable. Só tedes que ver o vídeo, escoller o reto que prefirades e esforzarvos por igualalo ou superalo contando para iso cos intentos que sexan necesarios. Iso si, debedes buscar a un compañeiro/a que faga de observador e "certifique" que superáchedes o reto e así podervos inscribir no listado dos alumnos/as que conseguiron "vencer" ós mestres.

Anímadevos a participar!

Fai clic na imaxe para ver o vídeo cos retos dos mestres.

Semana Saudable

Entre o 24 e o 28 de abril celebraremos no cole a nosa Semana Saudable para tratar de concienciar ó noso alumando da importancia de manter uns hábitos de vida saudables no referido a actividade física, alimentación e saúde mental. Entre outras actividades realizaremos as seguintes:

- Elaboración de carteis saudables. Na área de Plástica o alumnado proporá distintas frases curtas relacionadas coa promoción de hábitos saudables e que serán trasladadas a distintos carteis que decorarán as escaleiras que a maioría da rapazada ten que subir todos os días para acceder as súas aulas.

- Retos docentes. Algúns mestres proporán disitintos retos que ipliquen actividade física para que o alumnado que o desexe intente superalos ó longo da semana no tempo de recreo. Poderedes visualizar estes retos neste mesmo blog a partir do domingo.

- “Día da EF na Rúa”. O xoves 27 de abril participaremos de novo do Día da EF na Rúa que intente dar visibilidade e reivindicar o papel da EF na educación. O alumnado do centro baixará en turnos ó longo da mañá á rúa Monte das Moas para realizar xogos ou actividades habituais nas nosas clases de EF. Se tedes a oportunidade e posibilidade estades invitados a asistir como espectadores.

- "Concurso de merendas saudables". O venres 28 de abril, celebraremos un Concurso de Merendas Saudables. Os voso fillos/as poden traer ó centro unha merenda saudable nutritiva e artística ó mesmo tempo: brochetas de froitas, figuras, bocadillos divertidos... todo vale mentres sexa saudable. Sacaremos fotos das merendas dos participantes que posteriormente compartiremos con vós.

Family Talent

 Ola, familias! Para comezar este terceiro trimestre propoñémosvos unha actividade para que nos mostredes o voso Talento en Familia. Emulando ós típicos programas de talentos da televisión queremos que poñades a funcionar a vosa imaxinación e o voso corpo para compartir con nós algún talento oculto que teñades na vosa familia.

A actividade é sinxela. Trátase de que nos enviedes un vídeo de breve duración (máximo 1 minuto) no que polo menos dous membros da familia (poden ser máis) aparezades completando un reto que implique actividade física. Dámosvos algunhas ideas:

- Realizar unha coreografía de baile en familia.

- Completar un pequeno percorrido de certa dificultade en patíns, patinete, bici...

- Dar un determinado número de saltos ou realizar certas habilidades coa corda de saltar.

- Realizar distintas habilidades cun balón de fútbol, baloncesto, voleibol, raquetas, discos voadores...

- Realizar equilibrios individuais, en parellas ou grupo co corpo, utilizando un "slackline", con obxectos...

Estas son só algunhas ideas pero podedes escoller outras sempre que, como xa dixemos, impliquen actividade física e conten coa participación de, como mínimo, dous membros da vosa familia.

Cando teñades o video debedes envialo ó correo edufanxo@gmail.com. Se tedes problema co envío polo tamaño do arquivo a enviar podedes facer o envío empregando algunha páxina como, por exemplo, We Transfer que facilita un enlace de descarga para dito arquivo o cal poderíades enviar ó correo antes citado.

A data límite para enviar os vídeos é o 21 de abril e cos vídeos que nos acheguedes faremos unha pequena montaxe que poderedes visualizar neste blog e que empregaremos para promover a práctica de actividade física en familia durante a semana saudable que celebraremos no colexio do 24 ó 28 de abril.

 

Recreos dinámicos

 Durante este segundo trimestre continuamos a incluir distintas propostas dentro dos nosos recreos dinámicos. O obxectivo non é outro que todos os nenos e nenas teñan distintas posibilidades para participar e desfrutar das actividades que organizamos durante os recreos. 

Deste xeito durante os meses de febreiro e marzo tivo lugar o I Torneo de Datchball para os cursos de 3º a 6º de Primaria. Trátase dun deporte alternativo que parte das regras do "brilé" pero con normas e dinámicas de xogo distintas que fan que desde o primeiro momento resulte moi divertido e "adictivo" para a maioría da rapazada. 

No torneo organizado para 3º e 4º de Primaria participaron un total de 6 equipos quedando en primeiro lugar o equipo "Los Cocodrilos" sendo a medalla de prata para "Os Castros" e o terceiro posto para "Los 4B y 4A". No caso de 5º e 6º de Primaria o torneo contou coa participación de 4 equipos, sendo "Pepis Gordis" quen acadou a victoria seguido de "Barça" e "Los de 5ºA y 5ºB". Nestes torneos os equipos acadaban puntos tanto polo resultado do partido como polo seu comportamento durante o mesmo valorando o seu respecto a árbitros (xogadores/as doutros equipos) e contrarios. Isto favoreceu que o bo ambiente e a deportividade reinase na maior parte dos partidos xogados.

Outra proposta para os patios do segundo trimestre foi "AnXogamos?" que consiste en ofrecer, unha vez á semana e para un curso en concreto, a posibilidade de participar nun xogo organizado e dinamizado por unha mestra ou mestre do cole. Durante este trimestre estes xogos ían enfocados a 3º e 4º de Primaria que puideron desfrutar de xogos como "O Pano", "Pies quietos!" e "Xogos con paracaídas".

Deixamos a continuación un pequeno vídeo con imaxes do comentado anteriormente.

Recreos Dinámicos 2º Trimestre

Coñecemos o Roller Derby

 Na última semana deste trimestre os dous grupos de 5º de Primaria desfrutaron da visita ó noso colexio dunha das xogadoras do Club Coruña Irmandiñas de Roller Derby para achegarnos a este deporte minoritario pero que conseguiu chamar a ataención do nos alumnado. Trátase dun deporte de velocidade, estratexia e contacto que se practica sobre patíns dentro dunha pista ovalada. O obxectivo é conseguir o maior número de puntos posibles superando ós contrarios que poden opoñerse mediante contacto físico regulamentado. Tras unha breve charla na que coñecimos os apectos básicos desta disciplina ambos os grupos baixaron ó salón de actas para poñer en práctica estratexias básicas de xogo deste deporte. 

Esta actividade forma parte do programa do Concello "Máis rápidas, máis altas e máis fortes".

Roller Derby 22-23

Descubrimos a halterofilia

 O pasado xoves 23 de febreiro recibimos a visita do Club Halterofilia Coruña para achegarnos un deporte que ata ese día era descoñecido por gran parte do alumnado de 6º de Primaria, para quen estaba dirixida esta sesión. A actividade está enmarcada dentro do programa educativo do Concello da Coruña "Máis rápidas, máis altas, máis fortes" que pretende promover nos colexios, desde unha perspectiva coeducativa, distintas modalidades deportivas que se poden practicar en clubs da nosa cidade. Para a realización de ita actividade contamos coa presenza de Ferenc Szabó, director técnico do club, así como de Carlos, adestrador, e Dainara e Jesús, deportistas do club, que se encargaron de realizar unha exhibición que permitu ó alumando coñecer en vivo como se desenvolve este deporte a nivel competitivo. Os nenos e nenas realizaron ademais unha serie de probas e actividades relacionadas coa halterofilia. 

Deixamos algunhas imaxes tomadas durante a actividade.

Halterofilia 22-23

O Atlántico parte de ti

Neste segundo trimestre o alumnado de 5º e 6º de Primaria participou, por segundo ano consecutivo, na actividade deportiva proposta polo Concello "O Atlántico parte de ti". Dita actividade trata de aproximar ña rapazada a dous deportes naúticos como son a vela e o windsurf. Ambos os dous cursos desfrutaron durante algo máis de 3 horas desta actividade ubicada no caso de 5º de Primaria na praia de Oza e no caso de 6º de Primaria no dique de abrigo. Deixamos un breve vídeo con imaxes da actividade organizada para 5º de Primaria.

Copia de O Atlántico parte de ti

Carreira de Campo a Través

 O pasado venres 16 decembro o alumnado de 2º a 6º de Primaria do noso colexio participou xunto con outros centros da zona de Cambre e Coruña na carreira de campo a través organizada pola Secretaría Xeral para o Deporte a través do Programa XOGADE no qu estamos inscritos como parte do noso PVAD (Proxecto de Vida Activa e Deportiva).

O evento tivo lugar co complexo deportivo de Acea de Ama onde se delimitaron percorridos adapatados a cada unha das categorías que ían a participar. Foi unha mañá chea de nervios , esforzo e superación para os vosos fillos e fillas xunto con outros nenos e nenas da súa idade.

Deixamos algunha foto do momento da saída de algunhas das quendas.

Campo a través 22-23