Bo Camiño!

 O pasado luns 26 de maio o alumnado de 5º e 6º de Primaria desprazaouse ata Miño para completar un tramo do Camiño Inglés que une esta localidade coa vila de Betanzos. A climatolaxía foi perfecta para esta actividade ó longo da mañá e puidemos completar a etapa de algo menos de 11 km en menos tempo do previsto chegando á Praza dos Irmáns García Noblejas arredor das 13:30. Alí realizamos o xantar e posteriormente nos desprazamos ó parque Pablo Iglesias onde desfrutamos de tempo libre antes de emprender o camiño de volta á Coruña. Premendo na imaxe podedes acceder a un vídeo que resume esta xornada de actividade física e convivencia.

Resumo da Semana Saudable 24-25

 Deixamos a continuación un vídeo onde resumimos con imaxes as distintas actividades realizadas ó longo da nosa Semana Saudable. Esperamos que vos guste e moitas grazas a todas e todos pola vosa colaboración!

Semana Saudable 24-25

Recreos dinámicos do segundo trimestre

 Durante este segundo trimestre continuamos a incluir distintas propostas dentro dos nosos recreos dinámicos. O obxectivo non é outro que todos os nenos e nenas teñan distintas posibilidades para participar e desfrutar das actividades que organizamos durante os recreos. 

Deste xeito durante os meses de xaneiro, febreiro e marzo tivo lugar o noso V Torneo de Datchball para os cursos de 3º a 6º de Primaria. Trátase dun deporte alternativo que parte das regras do "brilé" pero con normas e dinámicas de xogo distintas que fan que desde o primeiro momento resulte moi divertido e "adictivo" para a maioría da rapazada. 

No torneo organizado para 3º e 4º de Primaria participaron un total de 7 equipos quedando en primeiro lugar o equipo "Salvaxes" sendo a medalla de prata para "Los Lagartos" e o terceiro posto para "Los Espaciales". No caso de 5º e 6º de Primaria o torneo contou coa participación de 7 equipos tamén, sendo "Castros FC" quen acadou a victoria seguido de "Demos do Anxo" e "Los Bunny". Nestes torneos os equipos acadaban puntos tanto polo resultado do partido como polo seu comportamento durante o mesmo valorando o seu respecto a árbitros (xogadores/as doutros equipos) e contrarios. Isto favoreceu que o bo ambiente e a deportividade reinase na maior parte dos partidos xogados.

Outra proposta para os patios do segundo trimestre foi "AnXogamos?" que consiste en ofrecer, unha vez á semana e para un curso en concreto, a posibilidade de participar nun xogo organizado e dinamizado por unha mestra ou mestre do cole. Durante este trimestre estes xogos ían enfocados a 3º e 4º de Primaria que puideron desfrutar de xogos como "O Pano", "Pies quietos!" e "Xogos con paracaídas".

Por último, desde o mes de marzo estmaos a disputar un novo torneo na segunda quenda de recreo. Nesta ocasión trátase dun torneo de salto de comba por equipos na que os nenos/as enfróntanse en partidas de 5 roldas dun minuto de duración para tratar de sumar o maior número de saltos posibles tendo en conta que os saltos de 2 ou 3 xogadores/as á vez contan dobre ou triple en cada caso.

Deixamos a continuación un pequeno vídeo con imaxes do comentado anteriormente.

Recreos Dinámicos 2 Tri 2425

Puntos de Actividade Física: Móvete máis!

 Como ben sabedes, o noso PVAD (Plan de Vida Activa e Deportiva) busca fomentar a práctica de actividade física do noso alumnado durante a súa xornada lectiva. Desde este mes de abril e coincidindo coa celebración da Semana Saudable propoñemos unha nova posibilidade para que os vosos fillos/as poidan achegarse ó obxectivo de 60 minutos de actividade física diaria recomendados pola OMS. Trátase dos PAF (Puntos de Actividade Física) repartidos polo colexio e que permiten que os alumnos/as que pasen por diante deles poidan deterse realizar a actividade e continuar o se camiño (ir ó baño, ir a buscar fotocopias, desprazarse a outra aula...) se así o desexan. Deixamovos os carteis repartidos a día de hoxe polo cole e algunhas fotos do alumnado poñemdo en práctica esta actividade.

PAF Anxo

Collage PAF

Os mestres e mestras rétante! Aceptas o desafío?

 

 Algúns dos mestres do cole propoñémosvos varios retos que podedes intentar superar durante os recreos da nosa Semana Saudable. Só tedes que ver o vídeo, escoller os retos que prefirades e esforzarvos por igualar ou superar 4 dos 6 retos existentes na marca A ou B realizando os intentos que sexan necesarios. Iso si, debedes buscar a un compañeiro/a que faga de observador e "certifique" que superáchedes o reto e así podervos inscribir no listado dos alumnos/as que conseguiron "vencer" ós mestres.

Anímadevos a participar!

RETOS DOCENTES 24-25

Chega a nosa Semana Saudable

 Entre o 7 e o 11 de abril celebraremos de novo a nosa Semana Saudable para tratar de concienciar ó noso alumando da importancia de manter uns hábitos de vida saudables no referido a actividade física, alimentación e saúde mental. Entre outras actividades realizaremos as seguintes:

- Elaboración de carteis saudables. Na área de Arts and Crafts o alumnado proporá distintas frases curtas relacionadas coa promoción de hábitos saudables e que serán trasladadas a distintos carteis que decorarán as escaleiras que a maioría da rapazada ten que subir todos os días para acceder as súas aulas.

- Retos docentes. Algúns mestres proporán disitintos retos que impliquen actividade física para que o alumnado que o desexe intente superalos ó longo da semana no tempo de recreo. Podedes visualizar estes retos neste mesmo blog.

- “Día da EF na Rúa”. O martes 8 de abril participaremos de novo do Día da EF na Rúa que intenta dar visibilidade e reivindicar o papel da EF na educación. O alumnado do centro baixará en turnos ó longo da mañá á rúa Monte das Moas para realizar xogos ou actividades habituais nas nosas clases de EF. Se tedes a oportunidade e posibilidade estades invitados a asistir como espectadores.

- "Concurso de merendas saudables". O venres 11 de abril, celebraremos un ano máis o Concurso de Merendas Saudables. Os voso fillos/as poden traer ó centro unha merenda saudable nutritiva e artística ó mesmo tempo: brochetas de froitas, figuras, bocadillos divertidos... todo vale mentres sexa saudable. Sacaremos fotos das merendas dos participantes que posteriormente compartiremos con vós.

Fase provincial do Cros Escolar en Porto do Son

 O pasado 28 de marzo celebrouse en Porto do Son a fase provincial do campionato de cros escolar organizado a través do programa XOGADE no que o noso centro participa. Dous dos nosos alumnos, Nahiara (5º EP) e Cristopher (3º EP) lograron calsificarse para dita fase puidendo representar ó noso cole na proba que tivo lugar nun circuito ubicado a carón do mar na zona arbolada de Virxe Loreto. O idílico enclave e a boa climatoloxía da mañá fixo que se tratase dunha mañá perfecta para a práctica deste deporte. Os nosos alumnos esforzárense ó máximo quedando clasificados nos postos medios sa súas respectivas quendas algo moi meritorio tendo en conta que moitaos dos nenos/as participantes son atletas federados en atletismo en distintos clubes da provincia da Coruña, Deixamos algunhas imaxes da xornada. Noraboa a ámbolos dous.

Collage Cros

Comeza o I Torneo de Salto de Comba

 A vindeira semana comezará o I Torneo Salto de Comba do Anxo. Os nenos de 3º a º6 de Primaria organizáronse en equipos de 6 compoñentes para competir contra outros compañeiros/as en partidas a 7 roldas onde a coordinación entre os membros de equipo e o deseño de estratexias resultará fundamental para poder superar ós contrarios. Irémosvos informando do sucedido neste torneo a medida que avancen as semanas. Deixamos a continuación o cartel que colgamos no patio durante estas semanas coa información relativa á organización do mesmo.

 

Cartel Salto de Comba 2425

O torneo de datchball chega ó seu fin

 Despois de máis de 2 meses ed competición o V Torneo de Datchball do Anxo chegou o seu fin. Durante os recreos de mércores e venres disputáronse máis de 40 partidos entre os equipos formados por alumnos/as de 3º a 6º de Primaria. A deportividade reinou na maior parte deles sendo o propio alumnado o que se encargaba de arbitrar e xestionar as actas dos partidos. Deixamos a continuación os carteis colocados no patio do cole cos equipos que ocuparon as primeiras posicións ó remate deste campionato.

  

Podium Datchball 2425

Participamos no Cros Escolar

O pasado xoves 20 de febreiro o alumnado de 2º a 6º de Primaria do noso colexio participou xunto con outros centros da zona de Cambre e Coruña na carreira de campo a través organizada pola Secretaría Xeral para o Deporte a través do Programa XOGADE no que estamos inscritos como parte do noso PVAD (Proxecto de Vida Activa e Deportiva).

O evento tivo lugar no complexo deportivo de Acea de Ama onde se delimitaron percorridos adaptados a cada unha das categorías que ían a participar. Foi unha mañá chea de diversión, nervios, esforzo e superación para os vosos fillos e fillas xunto con outros nenos e nenas da súa idade. Ademais de todo isto acadamos medalla e trofeo na categoría benxamín masculina (2º e 3º de Primaria) por quedar clasificados en 2º lugar e Christofer (3º Primaria) e Nahiara (5º Primaria) clasificáronse para a fase provincial que se celebrará proximamente en Porto do Son

Deixamos un vídeo acon algunhas fotos desta xornada.

Aprendemos a alimentarnos ben

 Este curso estamos a participar no Programa Nutriescolas co obxectivo de fomentar hábitos de alimentación saudables entre alumnado e familias do noso centro. Desde principio de curso puxemos en marcha as nosas merendas saudables e durante os mes de xaneiro estamos a desenvolver unha actividade de aula para distinguir os produtos procesados que podemos atoparnos cando mercamos no supermercado. Ademais os alumnado de 2º e 3º ciclo tamén aprenderá a usar o sistema de clasificación Nutriscore e como ler correctamente o etiquetado dos alimentos. Deixamos algunhas imaxes do alumnado de 2º de Primaria.