Coñecendo a escalada

 Para rematar o primeiro trimestre os días 7 e 14 de decembro o alumnado de 5º e 6º de Primaria participou nunha actividade de iniciación á escalada promovida por AMI (Agrupación de Montañeiros Independentes) en colaboración co Concello da Coruña. O primeiro día o alumnado de 6º achegouse ás instalacións que esta agrupación ten preto do Parque de Santa Margarita para desfrutar dunha sesión práctica de escalada tras unha breve introdución teórica a este deporte onde tamén se recordarán aspectos importante sobre cuestións técnicas e teóricas. Unha semana máis tarde foi o turno para os nenos e nas de 5º de Primaria que puideron desfrutar dunha sesión idéntica pero esta vez no rocódromo do frontón de Riazor recentemente reformado e ampliado e inaugurado uns días. É dicir, practicamente estrenaron as instalacións que están adaptadas para a práctica das distintas modalidades das que consta este deporte. 

Esta actividade forma parte do noso PVAD (Proxecto de Vida Activa e Deportiva)  e ten como obxectivo acercar distintas modalidades deportivas ó noso alumnado para que poidan supoñer unha opción saudable para o seu tempo de lecer. Se algún de vós está interesado na práctica habitual deste deporte ou doutros relacionados coa montaña non dubidedes en poñervos en contacto con esta agrupación (AMI) xa que ofertan cursos adapatados á idade dos vosos fillos e fillas. Deixamos a continuación un vídeo con algunhas u¡imaxes da actividade.

Escalada 22-23

Grazas, familias!

 O pasado 25 de novembro celebramos a nsoa cuarta edición da carreira Quilómetros de Solidariedade promovida pola ONG Save the Children e que este ano pretende recadar fondos para aportar ó Fondo de Emerxencia Internacional usado para axudar a nenos/as e as súas familias es situacións críticas por diversos motivos como poidan ser conflitos bélicos nos seus países de orixe.

Desfrutamos dunha mañá soleada e a celebración da carreira transcurriu sen apenas imprevistos. Ademais, moitas familas estivechedes presentes para animar aos rapaces e rapazas durante as súas quendas de carreira facendo que o ambiente da actividade fose inmellorable.

Pero a cousa non quedou aí xa que, un ano máis, o compromiso dos patrocinadores foi innegable como así reflexa a cantidade que entre todos recadamos e que xa fixemos chegar a "Save the Children". Por todo isto, pola vosa implicación e colaboración na actividade só podemos dicir "Moitísimas grazas!".

Deixamos a continuación unha pequena montaxe con algunhas imaxes da Carreira e tamén un enlace ao documento PDF co recibí que nos enviou a ONG "Save the Children" no que se reflexa o ingreso da recadación realizado polo colexio a semana pasada. 

"Recibí" enviado por Save the Children 

Carreira Soldaria 22-23

Coñece o meu club: Judo Club Coruña

Un ano máis o Judo Club Coruña visitou o noso cole para dar a coñecer o deporte do judo entre o noso alumnado. Esta actividade forma parte do noso Plan de Vida Activa e Deportiva que ten como un dos seus obxectivos dar a coñecer entre o alumando os clubes e asociacións deportivas do noso entorno para fomentar a práctica de actividade física fóra do horario lectivo.

Deste xeito Paula e Bernerdo Romay plantexaron ó alumnado de Prinaria e de 6º de Infantil unha clase de aproximación e iniciación ó judo. Realizamos distintos xogos e actividades no tatami que se colocou para a ocasión e desfrutamos dunha sesión de 45 minutos moi divertida practicando habilidades relacionadas con este deporte: xiros, caídas, chaves...  Aquí deixamos algunhas imaxes da actividade.

Judo 22-23

IV Carreira "Quilómetros de Solidariedade"

 O próximo venres 18 de novembro para conmemorar o Día Mundial dos Dereitos da Infancia celebraremos a nosa cuarta edición da Carreira Solidaria "Kilómetros de Solidariedade" organizada pola ONG "Save the Children". A carreira terá lugar nun percorrido que delimitaremos coa axuda da Policía Local no Parque de Eirís. 

Nesta edición os fondos recadados polos colexios participantes de toda España irán destinados a un fondo de emerxencia que se usa en distintos tipos de situacións e especialmente no caso de conflitos bélicos. Neste enlace tedes toda a información sobre como se usan os fondos recadados nesta actividade.

https://www.savethechildren.es/actualidad/preguntas-frecuentes-para-las-familias-coles

Explicamos detalladamente a continuación o funcionamento da carreira xa que vos (pais, nais, avós, avoas, tíos, tías...) sodes unha parte importante da mesma.

Como funciona a carreira?

1. Busca de “patrocinadores”.

Ao longo destes días os vosos fillos levarán a casa un carnet de corredor para conseguir “patrocinador” ou “patrocinadores” entre a súa familia ou amigos adultos. O patrocinador escribe o seu nome no carnet e a cantidade que se compromete a aportar por cada volta dada ao percorrido. Una vez cumplimentado o carnet levarase de novo ao cole xa que é necesario para o día da carreira.

2. Celebración da carreira.

O venres 18 de abril ás 11:00 todo o cole desplazarase ao Parque de Eirís e alí celebraremos a carreira a partires das 12 aproximadamente. Só participarán os alumnos/as de Educación Primaria, pero os nenos/as de Educación Infantil estarán presentes para animar e apoiar aos “maiores” e incluso dar unha "volta simbólica" ao percorrido. Estaremos organizados por turnos e en cada turno participará cada unha das clases, correndo ou camiñando en función das posibilidades de cada neno durante 2 minutos aproximadamente.

Deste xeito calculade que o máximo número de voltas que pode dar o voso fillo/a sexa de 2-3 no caso dos máis pequenos ou 4-6 no caso dos maiores. En función disto podedes decidir a pequena cantidade que queredes aportar.

Trala carreira os mestres anotaremos as voltas que fixo cada neno/a no seu carnet de corredor e entregarémosllo para que o leven a casa. Tamén recibirán un diploma que acredita a súa participación na carreira.

Se por diversas circunstancias algún neno ou nena non pode conseguir "patrocinadores", non hai ningún tipo de problema xa que pode participar igualmente na carreira con todos os seus compañeiros e compañeiras.

3. Recadación do diñeiro dos “patrocinadores”.

Os nenos/as levarán o carnet a súa casa e solicitarán o diñeiro “pactado” previamente. Así, se por exemplo o avó prometera 0,50 céntimos por volta e a su neta realizou 2 voltas terá que entregar 1 euro. O diñeiro se traerá nun sobre pechado ao colexio. Este ano, ó igual que o curso pasado e por cuestións organizativas, o equipo docente decidiu establecer unha máxima aportación de 1 euro por cada volta. Se algunha familia quixese realizar unha maior aportación pode facelo poñéndose en contacto coa ONG "Save the Children".

MOI IMPORTANTE: POR CUESTIÓNS DE ORGANIZACIÓN O DIÑEIRO SÓ SE PODERÁ TRAER AO COLEXIO ENTRE O 21 E O 24 DE NOVEMBRO (AMBOS INCLUSIVE). ANTES E DESPOIS DESA DATA OS MESTRES NON RECOLLERÁN NINGÚN SOBRE CON DIÑEIRO.

Aquí faremos a recadación e farémola chegar a “Save the Children” que á súa vez enviará un diploma ao centro que o acredite como participante no proxecto “Kilómetros de Solidariedade”.

    Agradecemos de antemán a vosa colaboración por pequena que poida parecer e recordade que cun pequeno “grao de area” entre todos podemos axudar aos que máis o necesitan.

Comezamos os patios dinámicos: "No recreo xogamos todas e todos"

 Fai un par de semanas comezamos a organización dos patios dinámicos para Infantil e Primaria. Para esta primeira fase, tendo en conta a opinión de mestras e mestres, alumnado e familias, decidimos crear distintas zonas de actividade para atender ós diferentes gustos e intereses dos nenos/as durante os tempos de recreo, de xeito que todas e todos teñan a oportunidade de divertirse e participar deste tempo de lecer. Deste xeito decidimos organizar diversas zonas de actividade dentro do noso patio:

Parte inferior (pista)

Nessta zona damos preferencia a xogos máis activos:

Zona 1: xogos de rede e con raquetas. Nesta zona se disputarán tamén os torneos que se organicen ó longo do curso: datchball, pinfuvote, salto de corda...
Zona 2: Zona para o fútbol usando as porterías portátiles adquiridas polo colexio. Na segunda quenda de recreo os cursos de 3º a 6º de Primaria túrnanse para usala cada día da semana de luns a xoves. O venres é "día sen fútbol".
Zona 3: zona con 4 canastras (2 de nova adquisición) de distintas alturas para xogar a baloncesto.

Zona 4: zona con altavoz para escoitar música e bailar.

Parte superior do patio

Nesta zona teñen lugar os xogos máis "tranquilos" ou que requiren menos desprazamentos:

Zona5: Cercana ás escaleiras de subida será a zona creativa, do horto e xogos populares. Pouco a pouco tentaremos ir acondicionando a zona (a través do pintado especialmente) para favorecer o xogo e desfrute dos vosos fillos/as. Ademais nesta zona pódense empregar materiais como cordas, gomas elásticas, peóns ou zancos.

Zona 6: Zona de xogos infantís, bancos e rocódromo.

O alumnado dos cursos superiores será o encargado de xestionar, repartir e recoller o material.

A medida que avance o curso iremos observando e avaliando as necesidades do patio ademais de introducir novas actividades e materiais que poidan ser empregados pola rapazada neste tempo de lecer.

Iremos informándovos de todas as novas ó respecto.

Aprendendo a salvar vidas

 Esta semana tivemos a sorte de poder contar coa colaboración de Santiago Martínez Isasi un dos coordinadores do Proxecto ANXOS (Adestrando Nenos e Xóvenes en Salvar vidas) para realizar unha sesión na que aprendimos como reaccionar ante unha situación de emerxencia que se pode dar na nosa casa. En concreto o alumnado desde 5 anos hasta 6º de Primaria aprendeu a reaccionar ante unha situación de emerxencia na que se poidan atopar sós na casa co adulto que está ó seu cargo desvanecido no chan. Os más pequenos adquiriron os coñecementos necesarios para poder avisar ó servizo de emerxencias (112) e contestar adecuadamente ás súas preguntas. Os maiores (de 4º a 6º) practicaron ademais  a maniobra de RCP empregando maniquís de simulación. Foi una experiencia sen dúbida moi enriquecedora e que intentaremos que se repita en vindeiros cursos. Deixamos algunha imaxe da actividade. 

Primeiros Auxilios 22

Descansos Activos

 Neste terceiro trimestre as mestras de Infantil introduciron os Descansos Activos nas súas clases. Trátase de pausas breves (5 minutos aproximadamente) de actividade física tras períodos prolongados de sedentarismo na aula co doble obxectivo de aumentar a actividade física durante a xornada lectiva de de aumentar e mellorar a concentración da rapazada de cara a unha actividade posterior. Diversos estudios neurocientíficos demostran os beneficios antes citadas de esta iniciativa que intentaremos manter e promover no cole durante o vindeiro curso. En concreto, levamos a cabo os descansos activos a través de 3 opcións: videos curtos da colección "Get Kids Moving" , uso da aplicación "Go Noodle" e o programa de actividades "Dame10" do MECD. Aquí vos deixamos unha pequena mostra cos nenos e nenas de 3 anos:

Descansos Activos

Adestrando para o Camiño de Santiago

 Fai un par de semanas plantexamos unha actividade, en principio orientada ó alumnado de 5º e 6º de Primaria pero aberta a todos aqueles que quixeran participar, que tiña como obxectivo completar algunha das rutas propostas en Coruña cidade e arredores como preparación para a excursión dos maiores do cole na que terían que percorrer parte da etapa do Camiño de Santiago que une Melide con Arzúa. Algunhas familias animástesvos coas andainas e nos enviachedes algunha foto da vosa ruta en familia. Aquí volas deixamos e, coma sempre, grazas pola vosa participación!

"O Atlántico parte de ti"

 Neste terceiro trimestre o alumnadode 5º e 6º de Primaria participou na actividade deportiva proposta polo Concello "O Atlántico parte de ti". Tratouse dunha aproximación a dous deportes naúticos como son a vela e o windsurf. Ambos grupos desfrutaron durante algo máis de 3 horas desta actividade e da que deixamos algunhas fotografías de 5º de Primaria (no enlace) e de 6º no vídeo que se achega a continuación. 

Vídeo "Atlántico parte de ti" 5º de Primaria

Bo camiño!

 O pasado 30 de maio o alumnado de 5º e 6º dePrimaria desprazouse ata Melide para realizar parte da etapa do Camiño de Santiago que une esta localidade con Arzúa. Tivemos sorte e a climatoloxía foi favorable ó longo da mañá o que nos permitiu completar a etapa planificada de 11 kilómetros aproximadamente en 3 horas e media, incluíndo a parada para a merenda realizada en Boente. De este xeito, chegamos á área fluvial de Ribadiso arredor das 14:00 para xantar e descansar antes de partir no bus rumbo a Santiago de Compostela onde durante un par de horas visitamos a praza do Obradoiro e os seus arredores. Foi un xornada completa que todos desfrutamos e da que vos deixamos un pequeno recordo en forma de montaxe fotográfico. 

Excursion Camiño 5e6

Dia da EF na Rúa

 O pasado 27 de abril o noso cole uniuse á celebración do Día da EF na Rúa. Trátase dunha iniciativa dos distintos COLEF (Colexios de Educación Física) a nivel autonómico que trata de visualizar a EF e reivindicar un maior protagonismo da mesma dentro do currículo educativo. No caso do Anxo da Garda decidimos aproveitar a circunstancia de que a rúa de acceso ó noso centro centro (Monte das Moas) sexa unha rúa peonil e asó organizar actividades para tódolos grupos de Primaria ó longo da mañá. Desde as 9 da mañá ata as 13:15 os dintintos grupos desde 1º a 6º foron baixando á rúa para realizar distintos xogos e actividades que habitualmente soemos practicar nas clases de EF. Agradecer a colaboración da Policía Local e Protección Civil que garantirazon a seguridade durante toda a mañá e de todos os familiares que acudichedes como publico. Deixamos a continuación algunhas imaxes da xornada.

Adestramos para o Camiño de Santiago

 O vindeiro luns 23 de maio o alumnado de 5º e 6º de Primaria realizará unha saída educativa para percorrer a etapa do Camiño de Santiago que une Melide con Arzúa (14,5 km). Nos próximos días ofreceremos máis información sobre esta actividade de xeito máis detallado. Pero antes consideramos que pode resultar interesante realizar unha pequena preparación ou adestramento previo durante estas semanas previas para que nos resulte máis doado acadar o noso obxectivo o día da excursión. Por isto ofrecemos a posibilidade de que completedes en familia algunha das rutas que detallamos a continuación. Trátase de un total de 5 rutas urbanas e fóra da cidade que están clasificadas con distintos graos de dificultade en función, principalmente, das distancias a percorrer, xa que o desnivel en todas elas non é pronunciado e apenas presentan dificultade técnica. Ademais na ficha de cada unha tedes unha enlace para poder seguir fácilmente a ruta co voso teléfono móbil a través da app Wikiloc. Pulsando a opción Ver en Scribd teredes a posibilidade de descargar todo o documento.

 Por suposto, podedes realizar as rutas que se propoñen, algunha similar ou outras que vos coñezades. De calquera xeito, se vos animades a realizar algunha ruta ou rutas en familia podedes enviar un correo á dirección edufanxo@gmail.com indicando no asunto Familia Apelido1 Apelido2  comentando a ruta que escollichedes, que vos pareceu e achegando algunha foto e vídeo da mesma. Coas imaxes e/ou vídeos realizaremos un vídeo resumo da actividade. 

Esta iniciativa está orientada ao alumnado de 5º e 6º de Primaria, pero invitámosvos a participar a todos e todas adaptando as rutas ás posibilidades dos vosos fillos/as. Non o dubidedes e animádevos a participar!

Rutas en Familia by Gerar Parrado on Scribd

Cambiando o patio do cole

 Desde o curso pasado estamos intentando cambiar o patio do cole para aumentar as posibilidades de xogo e desfrute do mesmo por parte do noso alumnado. De este xeito comezou a funcionar un pequeno horto desde hai dúas semanas, realizamos  o pintado dun mural na parte alta a semana pasada e esta semana os nenos/as comezarán a poder xogar no rocódromo instalado nos últimos días. A instalación deste rocódromo foi posible grazas a aportación económica realizada pola ANPA do cole que desde o primeiro momento mostrou o seu interese e colaborou para que esta mellora puidera levarse a cabo. Antes do seu uso, nas clases de EF estamos explicando as normas de seguridade a cumprir e que son as seguintes:

NORMAS PARA O USO DO ROCÓDROMO

1. O rocódromo soamente será usado por un máximo de 6 persoas ó mesmo tempo.

2. A cabeza no poderá sobrepasar a última ringleira de presas en ningún momento. Esa é a altura máxima que podemos alcanzar.

3. Se non estamos usando o rocódromo non podemos pasar, xogar ou permanecer na zona acolchada de seguridade. Esta zona debe estar libre en todo momento.

4. Debemos comezar a escalar nun dos extremos do rocódromo, nunca polo medio do mesmo.

CONSELLO DE SEGURIDADE: 

Se notas que non podes continuar non te deixes caer, salta cara atrás para caer de pé.

Estas modificacións que estamos a facer no patio están baseadas nas respostas que se deron á enquisa realizada o curso pasado na que se solicitou a opinión de alumnado e familias acerca das necesidades e cambios que lles gustaría realizar neste espazo do cole e que, dentro das nosas posibilidades, estamos intentando levar a cabo.

Deixamos aquí algunhas fotos desta nova zona de xogo para os recreos.

Coñecemos o rugby

O mércores 6 e xoves 7 de abril recibimos a visita no colexio de dúas xogadoras, Estela e Alejandra, do equipo feminino de rugby CRAT Coruña. Grazas a elas e a través de distintos xogos e actividades o alumnado de 4º, 5º e 6º de Primaria puido coñecer máis de preto este deporte, as súas regras básicas e os valores quue transmite. Estas xornadas forman parte da actividade "Coñece o meu club" coa que pretendemos que os vosos fillos/sa coñezan distintas modalidades deportivas e posibilidades coas que poidan ocupar de forma activa o seu tempo de lecer. Deixamos a continuación algunhas fotos destes días.

Rugby 2022

Día Mundial da Actividade Física

 Hoxe, mércores 6 de abril, celebramos o Día Mundial da Actividade Física. Para conmemorar esta data moitos de vós ó longo dos últimos días enviachedes diversas fotos en familia practicando algún tipo de actividade física ou deporte: andainas, fútbol, tiro con arco, boxeo, ciclismo... Aquí tedes unha presentación onde podemos ver unha boa representación do Anxo manténdose activos tamén fóra do cole.

Esperamos que vos guste!

Día Mundial da Actividade Física

PaseArte: grazas ás familias participantes

 Durante os mes de marzo propuxemos a actividade en familia "PaseArte" e algúns de vos animástesvos a pensar e planificiar as vosas rutas, realizando varias obras de arte con diversa temática. Aquí deixamos unha breve presentación cops resultados obtidos.

Coma sempre, moitísimas grazas ás familias participantes!!

PaseArte

Volven os recreos activos

Desde fai dúas semanas decidimos retomar a organización dos "recreos activos" que comezaramos antes da pandemia e que agora debemos adaptar ó protocolo e situación actual. Por iso, en vez de establecer zonas de xogo con distintas actividades nas que calquera neno/a pode participar (algo inviable nestes momentos) decidimos establecer un sistema de préstamo de material para o alumando de 3º a 6º de Primaria de xeito que cada grupo pode disfrutar dun "pack de material" deportivo ou lúdico distinto cada día da semana. En cada clase, 4 encargados son os responsables de repartilo e recollelo (coa axuda dos compañeiros/as) en cada recreo. O material que emprestamos é o seguinte:

1- Pack de raquetas de bádminton: raquetas, volantes e goma elástica a modo de "rede" para practicar este deporte no patio.

2- Pack de xogos populares: peóns, cordas, gomas elásticas e zancos con instrucións para realizar distintos xogos.

3- Pack musical: altavoz con "pincho USB" de música para baile libre ou para xogar ó Dance Dance Revolution EF, xogo adaptado polo mestre Vicenç Rodríguez que practicamos nas clases de EF.

4- Pack de baloncesto: bolsa con balóns de baloncesto para xogar cando nos toca na zona das canastas.

5- Pack "proposta de xogo": Cada dúas semanas proponse un xogo distinto sen ou con pouco material para poder xogar en grupo. O primeiro que plantexamos foi o xogo do pano con distintas variantes.

Todas estas opcións son, obviamente, voluntarias e pretendemos con elas dar oportunidades para que o alumnado estea activo durante o tempo de recreo mentres dure o protocolo establecido pola COVID19.

Estamos traballando tamén en adaptar este préstamo de material e propostas de xogo para E. Infantil e 1º e 2º de Primaria. Xa vos iremos informando.

Deixamos a continuación algunhas imaxes dos primeiros días destes "recreos activos".

Recreos activos

Actividade en familia: PaseArte

Propoñemos a primeira actividade física en familia para este curso rescatando unha idea realizada fai dous cursos tomando como referente a iniciativa "Bike and Paint" do mestre do de EF David Cañada. Pretendemos con ela, ademais de fomentar a práctica de exercicio físico en familia. colaborar coa temática de traballo proposta este curso desde o equipo da biblioteca: a arte e as emocións

En que consiste PaseArte?

Consiste en realizar un debuxo sobre o mapa do teu barrio, doutros barrios de Coruña ou doutra zona que vos guste mentres vos movedes camiñando, correndo, en patinete, bicicleta... Para iso non usarás papel e lapis, senón que faras o teu debuxo coa axuda dalgunha App para o móbil (que comentaremos máis abaixo) dalgún familiar adulto. Este é un exemplo do resultado que se podería obter:

Instrucións a seguir

1. Antes do paseo sería recomendable utilizar un plano de Coruña ou do teu barrio para planificar o percorrido que debes facer para conseguir o debuxo que te propoñas. Observa as rúas polas que tes que ir, cambios de dirección...

2. O adulto que te acompañe debe descargar no móbil unha aplicación gratuita das que se usan normalmente para rexistrar adestramentos correndo ou en bicicleta: Endomondo, Strava, Runtastic ou calquera outra que coñezades que a través do GPS vos facilite a ruta realizada ao rematar o percorrido.

3. Para realizar o paseo debedes ir a pé, camiñando ou correndo, ou empregar un medio de transporte activo: patinete (eléctrico non vale), patíns ou bicicleta por exemplo.

4. O debuxo será realizado nun so paseo. Non vale sumar varios paseos en distintos días. Podes parar durante o paseo cando o necesites e podes facer varios paseos se o resultado non é o esperado ou se queres enviar varios debuxos.

5. Respeta tódalas normas de circulación durante o teu paseo e ten precaución se tes que consultar o móbil durante o mesmo. A mellor opción é parar, consultar o móbil para seguir pola ruta desexada, e continuar.

6. Cando remates o paseo facede unha captura de pantalla no móbil onde se vexa o traxecto realizado e polo tanto a vosa "obra de arte".

7. Enviade esa imaxe coa captura de pantalla ao correo edufanxo@gmail.com para que poidamos valorar o voso traballo. Ademais tamén podedes enviar un "selfie" ou foto onde se aprecie en que medio de transporte e con quen realizachedes o paseo, así como unha pequena descripción da vosa obra de arte e de como vos sentíchedes facendo esta actividade. No ASUNTO do correo indicade PASEARTE NOME e CURSO. A data límite para o envío éo 28 de marzo.

8. Con todas a"obras de arte" enviadas faremos unha exposición no colexio.

CONSELLOS PRÁCTICOS

- Non hai un mínimo de distancia pero canto máis largo sexa o paseo e as liñas máis longas, máis sinxelo será apreciar o debuxo que realizades.

- Podedes debuxar o que queirades pero en caso de dúbida é preferible optar por figuras máis simples e fácilmente recoñecibles.

- É moi importante preparar o debuxo previamente na casa sobre un plano para despois ter claro cal é a ruta a seguir.

Finalmente, aquí vos deixamos algúns dos resultados enviados por varias familias do cole dous cursos atrás, por si vos serven de inspiración: